10-сынып оқушыларына «Кәсіптік бағдар беру диагностикасы» сауалнамасы жүргізілді.

Сауалнама жүргізудің негізгі мақсаты – оқушылардың кәсіби қызығушылықтары мен болашақ мамандық таңдауға бейімділігін анықтау, олардың қабілеттерін, тұлғалық ерекшеліктерін ескере отырып, дұрыс бағыт беру.
Диагностика барысында оқушылардың өзін-өзі тануы, кәсіби салаларға қызығушылығы, жұмыс стиліне қатысты қалау-ұстанымдары, қабілет түрлері (логикалық, шығармашылық, коммуникативтік, техникалық т.б.) сарапталды. Алынған нәтижелер негізінде әр оқушыға жеке кәсіби ұсыныстар беру, болашақ мамандық таңдауда саналы шешім қабылдауға жағдай жасау көзделді.
Сауалнама нәтижелері мектептегі кәсіби бағдар беру жұмысының сапасын арттыруға, оқушылардың жеке мүмкіндіктеріне сай бағыт-бағдар беруге және олардың болашақ білім беру траекториясын анықтауға пайдаланылды.