Кәсіптік бағдар беру мақсатында 10-сынып оқушылары "ATU Open DAY 2025" Ашық есік күніне қатысып қайтты.

Кәсіптік бағдар беру мақсатында 10-сынып оқушылары "ATU Open DAY 2025" Ашық есік күніне қатысып қайтты. Олар университеттің білім беру жүйесімен, мамандықтарымен, кафедраларымен, оқытушылар құрамымен және студенттік өмірімен жан-жақты танысты.

Іс-шара барысында оқушыларға мамандықтар бойынша ақпараттық таныстырылымдар ұсынылып, бағыт-бағдар беру жұмыстары мен шеберлік сабақтары ұйымдастырылды. Сонымен қатар, эстрада жұлдыздарының концерттік бағдарламасы және шығармашылық жастар ұжымдарының қойылымдары оқушылардың қызығушылығын арттырды.

Шара соңында ATU-дың фирмалық сыйлықтары табысталып, оқушылар жоғары оқу орнының атмосферасын сезініп, болашақ мамандық таңдауға қажетті маңызды мәліметтер алды.