1-қазан – Халықаралық қарттар күніне орай №218 жалпы білім беретін мектептің Өзін-өзі басқару ұйымы «Мектеп Парламенті» мүшелері ардагер қарияларды мерекелерімен құттықтады.

Іс-шара барысында оқушылар Қарасу ықшам ауданының тұрғындарына барып, олардың хал-жағдайларын сұрап, азық-түліктей сыйлықтарын табыстады. Қариялар оқушылардың ілтипатына риза болып, ақ баталарын берді.
Бұл күн елімізде тек қарттарды құттықтау мерекесі ғана емес, сонымен бірге жас ұрпаққа үлкенді құрметтеу, ізет көрсету және адамгершілік қасиеттерді дәріптеу қажеттігін ұғындыратын тағылымды шара болып өтті.
Мақсаты:
 Оқушыларға ұлттық қадір-қасиеттер мен имандылықты, үлкенге құрмет, кішіге ізет көрсету дәстүрін дәріптеу; еңбекті сүюге, Отанын қадірлеуге және білікті де білімді адал азамат болып өсуге тәрбиелеу.
Іс-шара жылы шыраймен өтті, оқушылар белсенділік танытып, қарттарымызға қуаныш сыйлай алды.