«Бастауыштан басталар – жарқын болашақ!» атты бастауыш сынып апталығының ашық сабағы: «Ата -баба мұрасын құрметтейміз.»

17.11–27.11.2025 ж. аралығында өткен «Бастауыштан басталар – жарқын болашақ!» апталығы аясында оқу-тәрбие жұмысын байытатын түрлі пәндік іс-шаралар ұйымдастырылды. Сол шаралардың бірі – әдебиет пәнінен «Ата-баба мұрасын құрметтейміз» тақырыбында өткізілген танымдық ашық сабақ болды. Сабақты Курманова А. мұғалімі жүргізді.

Сабақ барысында оқушылар ата-баба мұрасының ұлт тәрбиесіндегі, рухани болмысты қалыптастырудағы маңызын талқылап, әдеби туындылар арқылы ұлттық құндылықтардың мәнін терең түсінді. Мұғалім көркем шығармалардан үзінділер, талдау сұрақтары және топтық тапсырмаларды тиімді қолдана отырып, оқушылардың қызығушылығын арттырды.

Оқушылар топтық жұмыс арқылы өз ой-пікірлерін білдіріп, ата-бабадан қалған асыл мұраларды құрметтеудің маңызын дәлелдеп, шығармашылық қабілеттерін көрсетті. Сабақтың атмосферасы ынтымаққа, ойлануға және ұлттық құндылықтарды бағалауға бағытталды.

Бұл ашық сабақ апталықтың мазмұнын толықтыра отырып, оқушылардың әдебиетке деген қызығушылығын арттыруға, рухани дамуына және ұлттық дәстүрді қастерлеуге үлес қосты.