«Ұлт болашағы – тарихын құрметтеп, тілін ардақтаған азамат» апталығының жұмыс жоспарына сәйкес 4 желтоқсан күні орыс тілі мен әдебиеті пәні мұғалімі 7 «В» сыныбымен «Самый полезный вид спорта» тақырыбында ашық сабақ өткізді.

Сабақ барысында оқушылар салауатты өмір салты, спорт түрлерінің пайдасы және жеке даму үшін спорттық жаттығулардың маңызы туралы өз ойларын ортаға салды. Мұғалім оқушыларды қызықтыратын көрнекіліктер, мәтіндік тапсырмалар және топтық жұмыстарды тиімді қолдана отырып, оқушылардың танымдық белсенділігін арттыра білді.

Оқушылар тақырып бойынша пікір алмасып, пайдалы спорт түрлерін талдап, дәлелді ой айту, мәтінмен жұмыс жасау және шығармашылық тапсырмаларды орындау арқылы өз білімдерін көрсетті. Сабақтың жалпы атмосферасы сергек, мазмұнды және ынтымақтастыққа бағытталған болды.

Ашық сабақ апталықтың мазмұнын толықтыра отырып, оқушылардың пәнге деген қызығушылығын арттыруға, тілдік дағдыларын дамытуға және салауатты өмір салтының құндылығын түсіндіруге өз үлесін қосты.