«Менің мамандығым – менің таңдауым» тақырыбында №218 жалпы білім беретін мектептің педагог-психологтары Камал А. және Иманбекова М. жас мамандармен психологиялық тренинг өткізді.

Шара барысында қатысушылар мамандық таңдауға әсер ететін факторларды талдап, өзін-өзі тану жаттығулары арқылы жеке құндылықтары мен кәсіби қызығушылықтарын анықтады. Психологтар арнайы интерактивті әдістерді қолдану арқылы жас мамандардың сенімділігін арттыруға, командалық жұмысты сезінуге және кәсіби мақсат қою дағдыларын қалыптастыруға ықпал етті.

Топтық жұмыс барысында қатысушылар өз ой-пікірлерімен бөлісіп, болашақ маман ретіндегі жауапкершілігін сезініп, кәсіби дамудың маңызын түсінді. Тренинг ынтымақтастыққа, мотивацияның артуына және өз мүмкіндіктерін дұрыс бағалауға жол ашты.