01–12 желтоқсан 2025 жыл аралығында өтетін Қоғамдық пәндер апталығы аясында орыс тілі мен әдебиеті пәнінің мұғалімі Жаксигельдинова Т.К. 6 "Г" сыныбымен «Зима в поэзии С.А. Есенина» тақырыбында ашық сабақ өткізді.

Сабақ барысында оқушылар С. Есениннің қыс мезгілін суреттейтін лирикалық өлеңдерінің мазмұны мен көркемдік ерекшеліктерімен танысты. Мұғалім ақынның поэтикалық тілі, табиғат бейнесін беру тәсілдері және эмоциялық ықпалына қатысты талдау жұмыстарын жүргізіп, оқушылардың әдеби талдау дағдыларын дамытуға жағдай жасады.

Оқушылар өлең жолдарындағы бейнелі сөздерді анықтап, ақынның сезім әлемін ашуға тырысты. Топтық жұмыс барысында олар Есенин поэзиясындағы қыс көрінісін өз түсініктерімен байланыстырып, пікір алмасып, шығармашылық қабілеттерін көрсетті.

Бұл ашық сабақ Қоғамдық пәндер апталығының мазмұнын толықтыра отырып, оқушылардың әдебиетке деген қызығушылығын арттыруға, көркем шығарманы терең түсінуіне және поэзияның эстетикалық құндылығын сезінуге елеулі үлес қосты.